Lugsteuring
Rhythm Records/Punkskelm Records: RR053 (2004)
Bid Vir My
Ek voel veilig as ek verlore is
Ek voel bang as ek lê
vir daai man sonder naam
wat op elke drumpel
van elke deurkosyn staan
Fok Jou
Fok jou
Ek fokkin weet ek is verkeerd
Ten minste probeer ek om my self te oorreed
dat daar iets beter vir ons is
Ek wil spontaan aan die brand slaan
Ek word konstant bewus gemaak
waarheid en vrede
het jy lankal uit my woordeskat gekrap
Ek fokkin weet dit is verkeerd
Bid vir my
Bid vir weerlig in die reën
Sielswartgat
Koop vir my 'n kaartjie huis toe
Ek het fokol geld
Koop vir my 'n huis op 'n plaas
en ons sal dans
as dit donker raak
Maak my groot en breek my
Maak my groot en breek my af
Dis 'n bose kringloop
en onder draai die duiwel rond
Lyk mooi
want die verlede sal ons altyd inhaal
sorgeloos eenvormig
in ons klein beige paleisies
aan die buitewyke van kakstad
raak ons sielsiek, oorgewig
Kom stagneer in jou fokkin klug
Leer my om my kinders te vermoor
Leer my hoe om alle liefde te versmoor
En onder draai die duiwel rond
Dit is nutteloos
daar is geen antwoorde daar buite nie
maar ek's nog lank nie klaar getwyfel nie
Te veel dae van vaal wees en vrae vra
Te veel dae van passief bly en stil staan
Dankie vir alles
Dankie vir alles
Dank u
Dankie
Vir hierdie moerse fokkin gat in my
waarin als wat mooi is in verdwyn
ek dra nou hierdie glimlag by my
Sporadies Nomadies (Kom Dans)
Kom dans saam
Ons is almal ewe skaam
Kleptomanies oor blink oë
en suiwer taal
My vingers is al geel gekontempleer
geïrriteerd met die gemak
wat ek in twyfel kry
te dronk om te baklei
lafaard maar grootprater nes jy
Gemene swerweling
struikel swaar pad voorentoe
die eentonigheid
van flou verskoning soek
in die denkbeeldige
plastiek probleem mentaliteit van my
Kom stem saam
Ons is almal deurmekaar
Lugsteuring
Die toeskouers se breindood glimlae raak te veel vir my
Die pyn van verwaantheid
martel al die murg
by my gebeendere uit
Vir almal wat onkundig is
wees bly
Gee vir my jou siel
of ek sal hom moet steel
Ek is seker maar net verveeld
Ek is seker maar net verveeld
Wat moet ek doen om weer lewendig te voel?
Ek is die haat wat jou forseer
om jouself aan te rand
Ek is die pyn wat wegkruip
in als wat jy wil versteek
Ek is die wroeging in jou waansin
die geluk wat jy wegeet
ek is die een wat jou wil red
en dan martel
Wat is fout met my?
Kan ek 'n professionele diagnose kry?
Ek wil net nie verveeld wees in
hierdie lewenslang kleedrepitisie nie
Is die monster wat jou jaag
emosionele progressie?
Is jy die enigste vyand van
spirituele tegnologie?
Ons oë is vervang met skerms
en ons siele met prentjies van die see
Daar's nog baie bier
om te drink
en kak om te praat
voor ons die wêreld begin regmaak
My kop raas al vir dae
en my fokkin oë
bly fokkin swaar
Daar's nog baie brein
om te spoel
voor die verlore gevoel
gaan verdwyn
so, hello toetssein
Toetssein
Toets my
Tonnelvisie
As hierdie bloedrooi oë kon sien
hoe laat dit werklik is
hoe laat ons almal is
hoe kaal ons eintlik is
Projekteer jou demone
teen die kombers
fukt van sigaretstompies
en ek wou vir jou my hart
maar daar's gate in gebrand
Ek blameer dwelms
Ek blameer druk
vir die heruitsending
Ek teken vir my 'n kaart
en maak dit vol met doodloopstrate
Ek het altyd geweet
dat ek niemand sou wees
Ek het al my gevoelens verniet weg gegee
Daar is gif in jou kinders se kos
daar is tydbomme in gapings
van opvoeding gelos
Ek het al my gevoelens verniet uitgedeel
Ontken Altyd Alles
Vrede gevind
met die teenstrydigheid wat in
die are van my dorp versprei
ek het te lank terug gedink
te lank terug gesig gewys
al my grense wat verskuif
Met my voete diep
onder die slyk van stil rivier
my koppe in wolke
hande van dier
Dis net natuurlik so
ek is net natuurlik hoog
Jy verdoof die deel
wat tyd so skelm steel
ek sal volgende jaar
begin
bedaar
Gaan jy jouself dan nou kluisenaar hou
geweerloop teen die tempel
nie in die mond nie
onthou
Veels geluk met my vetraagsdag
impulsiewe huiwering
as daar ooit 'n spesiale boodskap was vir my
het ek dit mis gekyk
my liedjie van die jaar
het ek perongeluk
oorgetape
Die Grootste Gaping
Ons is leeg, want ons wil wees
ondergrondse bourgeoisie
as jy 'n eerlike opinie soek
hou op lieg
Lang strate wat soos heiligdom
die ewigheid in reis
as jy ooit hulp nodig het
sal ek jou kan verwys
Gooi jou hande in die lug
en prys die duisternis
soos die woonstelblokke
soos die kinders van die aand
onvervangbaar
Ons is leeg, want ons wil wees
En in sirkels sal ons volg oppad
na die beloofde land
verlore deel wat wegkruip
in die wolkbreek oor die veld
Rys jou hande vir die klug
en bind die duisende
slawe wat vol maag staan
en vir nog reklame vra
soos die kinders van die maan
onverklaarbaar
Ons soek die aandag
van die breinlose gehoor
Ons soek die hongersnood
die dringende gebrek aan energie
Ons is opsoek na die soeke na iets
Ons is leeg, want ons wil wees
My Lys Verskonings
Jy praat van revolusie
Ek praat van die enigste
uitweg van my voortbestaan
jou ondergang
my bestaan
Miskien dra ek die letsels van my gedrag
en die skete van my onverantwoordelikheid
"Wit Kaffir, Kind, Kont!"
gaan bloei buite op die grond
op die strate waar jy so graag wil hoort
Model C. ondergemiddeld. onderpresteer
Sal jy my verstaan as ek
soos Jesus Christus maak
en gekruisig langs die pad lê?
Sal jy my verstaan?
Miskien dra ek die letsels van my gedrag
en die skete van my onverantwoordelikheid
Leeglê Drome Droom
Kompeteer
Het ek nog 'n siel?
Is hy besig om te skree?
Ek dog ons almal probeer voorentoe beweeg
My kop kap
teen die ruit van die kar
my oë oop
en my sigaret aan
Het jy dit ook gehoor?
Ons paradys verdwyn
tussen dof geel lig en selfoonsein
Dogma
Dog maar net ek sê
Daar's geen vlag wat ek met trots sal dra nie
so haat my want ek vrees my nasie
Ons het ons konneksie met mekaar verloor
Mensdom
Ons nasie sal ons eendag?
Een liefde, geen klas
Klein Kamer
Klein dorp
Klein Land
Klein kop
Tevrede?
Mikrogolfoond mense marseer
wanbegrip, wanbalans, wanbeheer
Weggedraai
met die son op hul rûe
Ek verkies die son op my gesig
Ek sal nooit weer terug gaan nie
Ek sal nooit weer terug gaan nie
Ek sal julle nooit tevrede
Tevrede stel nie
Hou jou kop vas
Die probleem is net dat
ek nie weet wie ek is nie
Hierdie gaan nog lank vat
Hierdie gaan nog seermaak
Kan ons maak of ons vir ewig kan leef
sal ons, ons geheime boodskappe vergeet
Fluister kliphard
Speel so sag as wat jy kan
Soen so veel as wat jy wil
Hou my net vas
Die werklikheid is dat
ek nie weet wie ek is nie
Angs Aanval
Hoe lank?
Hoe lank voor ons hier kan wegkom?
Hoe anders is 'n
Hoeveel anders is 'n ander plek?
Ons het dan dieselfde siekte
Ek heroorweeg die rol wat ek
in hierdie spel moet speel
Hierdie is die koorsang
van ons middelmatigheid
Die pynvolle aanvaarding
van ons onoorspronklikheid
Juig besmette asem uit
my moë longe uit
Verwerp die lewenslange stryd
vir 'n plekkie in jou koninkryk
Moenie so fokkin verveeld lyk nie
Ek dog jy sal bly wees om te hoor
My onselfsekerheid
het die beter van my gekry
Ek dog jy sou bly wees om te hoor
Jy ken nie die helfte daarvan nie
moenie maak asof jy beter
my beter kan verstaan nie
Jy ken nie die helfte daarvan nie
Tiny Town
In wrede woede het ek die
hand wat beheer gebyt
Verwyt myself op harder en harder grond neer gesmyt
Dis nou ek wat die leiband lei
Te veel verskeur om sulke argumente ernstig op te neem
Miskien is niks soos wat ek dink dit is nie
My greep op my geloof glip gereeld
My wonde wonder waar genesing kom vandaan
Soet slaap sonder sonde vanaand
Miskien is niks soos wat jy dink dit is nie
Jou greep op jou geloof glip gereeld
Jou wonde wonder waar genesing kom vandaan
Soet slaap sonder sonde vanaand